Mametmethu do au nian manjalo sude angka asi ni rohaM dohot sude hasintongan, angka na binahenMi tu naposoMon (1 Musa 32 : 10 a)

Senin, 25 Maret 2013

JAMITA PASKAH I, 31 Maret 2013 ( MATEUS 28 : 1 – 10 )

 
PATUJOLO :
Sadarion tahalashon do  pesta parningotan di ari haheheon ni Tuhanta Jesus Kristus (Pesta Paskah). Ganup jumpang parningotan ari raya paskah, sai dipatubegehon do marhite jamita angka na masa di buhabuha ijuk hatiha na ro parompuan mandapothon tanoman ni Tuhan Jesus naung hehe i. Asa molo tung pe jumpang musengani panghalashononta di ari haheheon i sadarion, ringkot do mian sada “ perenungan” di hita : “ Nunga ro didia sasintongna pangantusion dohot panghangoluhononta taringot tu Jesus naung hehe i? Martamba do ulaning pangantusionta lumobi panghangoluhononta sian taon tu taon? Lam hehe do ulaning haporseaon nang panghirimonta sian taon naung tabolus sahat rodi sadarion? Manang boi dohonon, adong do ulaning na imbaru na so jumpang hita dibagasan angka taon nung salpu dohot sadarion di las ni rohanta di ari paskah on?

Jumat, 26 Oktober 2012

BAHAN JAMITA JEREMIA 31 : 7 – 9, MINGGU 28 OKTOBER 2012




Patujolo :
Tartaban do bangso Israel hinorhon ni pangalaosionna di angka patik naung niaturhon ni Debata. Gok do parungkilon na niadopan ni bangso i hinorhon ni i. Alai dung diae bangso i na hansit , dipatubegehon si Jeremia ma barita hatiuron na pahehe roha ni bangso i laho manghirim. Dibagasan turpuk on naeng idaonta sangkap hatuaon ni Debata dibagasan uhum na mangonai tu bangso Israel. Tangkas do i didok di jolo ni trpuk on di Jeremia 29 : 11 na mandok : “

Selasa, 09 Oktober 2012

JAMITA MARKUS 10 : 35 – 45, MINGGU XX DUNG TRINITATIS, 21 OKTOBER 2012






PATUJOLO :

Roha na mangalului hasurungan sian angka dongan na asing, nunga hira gabe bangko i di parngoluon on. Ragam do angka cara dibahen jolma asa anggiat boi marhasurungan sian angka donganna. Jala molo balikna do na masa, gabe sumurung halak na asing, na boi do i gabe patubu pangiburuon sahat tu na manghosomi. Sangap manang hasangapon, mansai na ringkot do i di hajolmaon. Di habatahon rupani, marsiadu do jolma mampareahi hasangapon siangkup ni hagabeon dohot hamoraon, na tolu hadirion on ma na gabe  sintasinta na tumimbo.

Sabtu, 06 Oktober 2012

Jamita Minggu XVIII Dung Trinitatis, 07 Oktober 2012 Ibrani 2 : 5 – 12





Patujolo :
Ditompa Debata do jolma i tumiru rupaNa jala tudos tu pangalahoNa, jala dipasahat do tumpal hamuliaon dohot hasangapon tu jolma i. Tung mansai denggan situtu do ngolu ni jolma di mulana i. Tung rade jala singkop do saluhutna na hinaporluhon ni jolma na parjolo i. Alai hinorhon ni dosa manang “pemberontakan” ni jolma , gabe andul marasing ma situasi dohot hadirion ni jolma i. Ngolu na gok hasonangan na di porlak i, marganti gabe ngolu ngolu nag ok hasusaan jala marlaok dosa.

Rabu, 01 Agustus 2012

Jamita Minggu 05 Agustus 2012, Johannes 6 : 24 - 35,




Patujolo :
Molo adong sada sungkun sungkun, aha do na gabe tolak ukur ni hasonangan di partingkian nuaeng on?, ra manigor mura do alusanta i. Torop do halak di partingkian on na mangarajumi, ia ukuran ni hasonangan ima : Sipanganon dohot arta portibi. Loja do jolma mula ulaon holan asa dapot na pasonanghon roha i. jala sipata olo do gabe tading angka na asing hinorhon ni na lalap mangalului arta portibi i. Adong do pandohan ni halak Batak na mandok : “Mutu do siborok mangalului guluan, mutu do jolma mangalului hangoluan.” Dipadutudhon pandohan i do manang songon dia pingkiran ni halak hita taringot tu parngoluon on.

Selasa, 17 Juli 2012

Jamita Minggu, 29 Juli 2012 II Rajaraja 4 : 42 – 44



Patujolo :

Panurirang Elisa do na gabe singkat ni Panurirang Elia na gabe parhitean ni Debata pasahathon hataNa tu bangso Israel di tingkina uju i. boi dohonon sisean ni si Elia do ibana, jala otik godang metode hapanurirangonna ndang pola dao marasing. Hata Elisa mangihuthon bahasa asli (bahasa Ibrani), ima : “ Elisus”, na marlapatan : Debata do na paluahon”. Songon naung hea diulahon seniorna si Elia, dibagasan ulaonna manurirangi, dilehon Debata do huaso tu si Elisa gabe parhiteanNa pamasahon jala pasauthon angka tanda halongangan na sian Debata, asa haru mananda bangso i di hinagogo dohot huaso ni Debata na paluahon bangsoNa sian ragam ni angka hamaolon. Laos ido na naeng idaonta sian turpuk on, dipamasa Debata halongangan bolon laho paluahon bangsoNa sian na raparon.

Jamita Minggu, 22 Juli 2012 “ Epesus 2 : 11 – 22”






Patujolo :

Dung manaek Tuhan Jesus tu banua ginjang, lam tamba do bilangan ni angka na porsea na gabe siihuthon Kristen jala na masuk gabe anggota ruas ni huria na parjolo (Gereja mula mula). Jala na masuk gabe anggota ruas ni huria na parjolo ima sian horong ni halak Jahudi. Alai dilaon laon ni ari, marbungaran do parbue ni ulaon marbarita na uli na pinatupa ni angka sisean. Tarida do I sian jumlah ni ruas ni huria hatiha I na sai lam martamba, jala ndada holan sian halak Jahudi be na gabe ruas, alai nunga adong sian halak na asing, Jala on ma na gabe mula ni persoalan na masa hatiha i.